उपमेयर डंगोलले भेटिन् आन्दोलनरत ईःसहित युवालाई
काठमाडौं— काठमाडौं महानगरपालिकाकी उपमेयर सुनिता डंगोलले प्रदर्शनीमार्गस्थित राष्ट्रिय सभागृह अगाडि ८ दिनदेखि उभिएर माग सुनाइरहेका सामाजिक अभियन्ता ईःलाई भेटेकी छिन् ।
मंगलबार उपमेयर डंगोलले ईःसहित आन्दोलनरत युवालाई भेटेकी हुन् । उपमेयर डंगोलले फुटपाथबाट विस्थापित भएकाहरूलाई वैकल्पिक व्यवस्थासम्बन्धी नीति बनाउन आफू प्रतिबद्ध रहेको बताइन् ।
गत मंगलबारदेखि राष्ट्रिय सभागृहको गेट नजिकै उभिएका युवाले मेयर बालेन साहले चुनावअघि सडकमा व्यवसाय गरेर बसेका साना व्यवसायीको उचित व्यवस्थापन गर्ने बताएकोमा अहिले त्यो प्रतिबद्धताविपरीत कार्य गरेको भन्दै सडक र फुटपाथमा व्यवसाय गरेर खानेहरूलाई विकल्प दिएर व्यवस्थापन गर्न माग गरिरहेका छन् ।
प्रकाशित मिति: मंगलबार, असोज ९, २०८० १३:२२
थप समाचार
