सरकार विस्तार गर्दै मुख्यमन्त्री कार्की
विराटनगर— कोशी प्रदेश सरकार विस्तार हुने भएको छ । मुख्यमन्त्री हिक्मत कार्कीले आज मन्त्रिपरिषद् विस्तार गर्न लागेका हुन् । मुख्यमन्त्री कार्कीले मन्त्रिपरिषद्मा पाँच जना मन्त्री थप्ने तयारी गरेको जनाइएको छ ।
मन्त्री बन्नेमा मोरङका लीलाबल्लभ अधिकारी, सोलुखुम्बुका बुद्धिकुमार राजभण्डारी, सुनसरीका रामप्रसाद मेहता र धनकुटाका निरन राई नेताहरू चर्चामा छन् । उनीहरु नेकपा एमालेका प्रदेश सभा सदस्य हुन् ।
यसअघि एमालेबाट तिलकुमार मेन्याङ्बो, पिके राई, एकराज कार्की, सिर्जना राई मन्त्री भएका थिए । संविधानको धारा १६८ (३) अनुसार बनेको अल्पमतको सरकारले असोज २० सम्म विश्वासको मत लिइसक्नुपर्नेछ ।
प्रकाशित मिति: सोमबार, असोज ८, २०८० १३:२२
