देशभरका शिक्षक कर्मचारी माइतीघरमा भेला हुँदै
काठमाडौं— नेपाल शिक्षक महासंघको आयोजनामा आज ११ बजेदेखि सुरु हुने आन्दोलनका लागि देशभरका शिक्षक तथा कर्मचारी काठमाडौंको माइतीघरमा भेला हुँदैछन् ।
सरकारले संसदमा दर्ता गरेको शिक्षक विधेयकविरुद्ध महासंघले आन्दोलन घोषणा गरेको हो ।
नेपाल विद्यालय कर्मचारी परिषद् राष्ट्रिय समितिका अध्यक्ष गंगाराम तिवारीले ७७ वटै जिल्लाबाट शिक्षक र विद्यालय कर्मचारी माइतीघर आउँदै गरेको जानकारी दिए । उनका अनुसार कतिपय शिक्षक र कर्मचारीहरु अहिले यात्रामा छन् ।
शिक्षा मन्त्रालयले पत्र काटेरै वार्तामा बोलाए पनि शिक्षक महासंघ वार्तामा बस्न मानेको छैन । शिक्षा विधेयक शिक्षक कर्मचारीमैत्री नभएको भन्दै महासंघले सच्याउन माग गरेको छ ।
प्रकाशित मिति: बुधबार, असोज ३, २०८० ०९:१९
थप समाचार
