न्यूरोडको टिपटप समोसालाई महानगरको कारबाही, अखाद्य वस्तु बेच्दा २ लाख जरिवाना
काठमाडौं— काठमाडौं महानगरपालिकाले टिपटप मिठाई पसललाई दुई लाख जरिवाना गरेको छ ।
बजार अनुगमनका क्रममा काठमाडौं महानगरपालिका वडा नं १७ मा सञ्चालित उक्त मिठाई पसलले अखाद्य वस्तु बेचेको पाइएपछि दुई लाख जरिवाना गरिएको काठमाडौं महानगरपालिकाका प्रहरी प्रमुख राजुनाथ पाण्डेले बताए ।
दीपकराज थपलियाले सञ्चालन गरेको उक्त मिठाई पसलले उत्पादन गरेको सामान बिग्रिएको पाइएपछि जरिवाना गरेको प्रहरी प्रमुख पाण्डेले बताए । महानगरपालिकाले पसलमा अखाद्य वस्तु नराख्न, कर्मचारीको बोलीबचन सुधार गर्न, दूधजन्य वस्तुको तापक्रम कायम राख्न आदेश समेत दिएको छ ।
प्रकाशित मिति: सोमबार, असोज १, २०८० १६:५७
थप समाचार
