काठमाडौं— नेकपा एकीकृत समाजवादीका अध्यक्ष एवम् पूर्वप्रधानमन्त्री माधव नेपालले मिलेनियम च्यालेन्ज कर्पोरेशन (एमसीसी) को विरोध तथा अस्वीकार गरे आफूहरूलाई सरकारबाट फाल्दिने बताएका छन् ।
सोमबार काठमाडौंमा आयोजित नेपाल नेवाः राष्ट्रिय संघ समाजवादीको १७औं स्थापना दिवसमा उनले एमसीसीको विरोध गरे अन्य सत्ताघटक दलले आफूहरूलाई सरकारबाट फाल्दिने बताएका हुन् ।
उनले एमसीसीलगायत अन्य वित्तीय सहयोग देशको हित बाहिर भए अस्वीकार गर्नुपर्ने बताए । उनले भने,‘केही केही मानिसहरू एमसीसीलाई अस्वीकार गर्नुपथ्र्यो भन्छन् । अरु केही होइन त्यो गरे हामीलाई सरकारबाट फाल्दिन्छन्, पार्टी कमजोर बनाउँछ भन्छन् । तर विदेशीहरू हावी हुने र हामी तमासा हेरेर बस्ने अवस्था आउन दिन हुँदैन । हामी उनीहरूको गतिविधिप्रति सधैं सचेत छौं । हामी देश र जनताको हितमा निर्धक्क भएर काम गर्छौं ।’
अध्यक्ष नेपालले विदेशी शक्तिका स्वार्थ नेपालमा रहेको उल्लेख गर्दै त्यसप्रति सबै सर्तक हुन आवश्यक भएको बताए ।
