सञ्चालनमा आयो अवरुद्ध नारायणगढ–मुग्लिन सडक
मुग्लिन— पहिरोका कारण अवरुद्ध नारायणगढ–मुग्लिन सडक दुईतर्फी सञ्चालनमा आएको छ ।
चितवनको इच्छाकामना गाउँपालिका–६ स्थित नाम्सीपुलमा बिहान पौने ७ बजे सुक्खा पहिरो खस्दा सडकमा यातायात अवरुद्ध भएको थियो ।
पहिरो पन्छाएसँगै अवरुद्ध सडक सञ्चालनमा आएको सडक डिभिजन कार्यालय भरपुरका सुपरभाइजर ईश्वर क्षेत्रीले जानकारी दिए ।
पहिरोका कारण रोकिएका सवारीसाधन गन्तव्यतर्फ लागेका उनले बताए ।
प्रकाशित मिति: मंगलबार, भदौ २६, २०८० १२:२७
थप समाचार
