सरकारले गर्यो सचिवहरूको सरुवा, काे कहाँ ?
काठमाडौं— सरकारले ३ जना सचिवहरूको सरुवा गरेको छ । बिहीबार बसेको मन्त्रिपरिषद् बैठकले सचिवहरूको सरुवा गरेको हो ।
प्रधानमन्त्री तथा मन्त्रिपरिषद् कार्यालयका सचिव उदयराज सापकोटलाई कानुन, न्याय तथा संसदीय मामिला मन्त्रालयमा सरुवा गरिएको छ ।
नेपाल कानुन आयोगकी सचिव लिलादेवी गड्तौला निरौलालाई प्रधानमन्त्री तथा मन्त्रिपरिषद् कार्यालय र सत्य निरूपण तथा मेलमिलाप आयोगका सचिव तोयानाथ अधिकारीलाई नेपाल कानुन आयोगमा सरुवा गरिएको छ ।
त्यसैगरी मन्त्रिपरिषद् बैठकले न्याय सेवा आयोगका फणीन्द्र गौतमलाई बढुवा गरी सत्य निरुपण तथा मेलमिलाप आयोगको सचिवमा पदस्थापन गरेको छ ।
प्रकाशित मिति: शुक्रबार, भदौ २२, २०८० १७:४४
थप समाचार
