काठमाडौं— सोलुखुम्बुको लिखुपिके गाउँपालिकाका तत्कालीन प्रमुख प्रशासकीय अधिकृतसहित तीन जनाविरुद्ध भ्रष्टाचारको मुद्दा दायर भएको छ।

अख्तियार दुरुपयोग अनुसन्धान आयोगले ६ लाख रुपैयाँ बिगो मागदाबीसहित तीन जनाविरुद्ध आइतबार विशेष अदालतमा मुद्दा दायर गरेको प्रवक्‍ता भोला दाहालले जानकारी दिए।

उनका अनुसार वडा नम्बर २ का तत्कालीन वडाध्यक्ष रमेशकुमार बस्नेत, तत्कालीन प्रमुख प्रशासकीय अधिकृत राजेन्द्र भण्डारी र तत्कालीन लेखापाल जीवन सुवेदीविरुद्ध मुद्दा दायर गरेको हो।