अपडेट
पेप्सीकोला—काँडाघारी सडकमा दुर्घटना : १३ जना घाइते, बस चालक नियन्त्रणमा
काठमाडौं— काठमाडौंको पेप्सीकोला—काँडाघारी सडकखण्डमा सवारी दुर्घटना हुँदा १३ जना घाइते भएका छन् ।
आइतबार बिहान करिब साढे ७ बजे मिनी बसले मोटरसाइकल र स्कुटरलाई ठक्कर दिँदा १३ जना घाइते भएको काँडाघारी प्रहरीका इन्सपेक्टर श्याम कटुवालले न्यूजगृहलाई जानकारी दिए ।
कटुवालका अनुसार बसको ठक्करबाट घाइते भएका ७ जनाकाे मिनभवनस्थित सिभिल अस्पताल र ६ जनाको मदरल्याण्ड अस्पतालमा उपचार भइरहेको छ ।
बस चालकलाई नियन्त्रणमा लिइसकेको उनले जानकारी दिए । दुर्घटनाबारे थप अनुसन्धान भइरहेको काँडाघारी प्रहरीले जनाएको छ ।
प्रकाशित मिति: आइतबार, भदौ १७, २०८० ०९:००
थप समाचार
