काठमाडौं— गाईजात्रा पर्वलाई मध्यनजर गर्दै काठमाडौं महानगरपालिकाले केही ठाउँमा सवारीसाधन प्रवेश रोक लगाएको छ ।

महानगरपालिकाले सार्वजनिक सूचना प्रकाशित गर्दै बिहीबार र शुक्रबार काठमाडौंका विभिन्न ठाउँमा सवारीसाधन प्रवेश रोक लगाएको हो ।

काठमाडौं महानगरका अनुसार असन–केलटोल–इन्द्रचोक मखन–जैशिदेवल ज्याबहाल–लगन चोक–हनुमानढोका दरबार परिसर–गोफल–ब्रम्हटोल–गोफल ब्रम्हटोल–मरू टोललगायत सडकमार्गमा सवारीसाधन प्रवेश रोक लगाएको छ ।