काठमाडौं— मंगलबार बसेको प्रतिनिधि सभा बैठकमा गणपूरक संख्या पूरा नभएपछि ‘केही नेपाल ऐनलाई संशोधन गर्न बनेको विधेयक २०८०’ पेश नभई स्थगित भएको छ ।
संसदमा गणपूरक हुनका लागि ६९ सांसदको अवश्यक पर्दछ । तर, बैठकको अन्तिमसम्म ५९ जना मात्रै उपस्थित रहेका थिए ।
कानुन न्याय तथा संसदीय मामिला मन्त्री धनराज गुरुङले संसदमा पेश गरेको विधेयकमाथि छलफल भए पनि पेश गर्ने बेलामा गणपूरक संख्या अपुग भएको हो ।
सभामुखले निर्णायार्थ प्रस्तुत गर्ने बेलामा राष्ट्रिय स्वतन्त्र पार्टी (रास्पा) सांसद सुमना श्रेष्ठ र एमाले सांसद ठाकुर गैरे नियमापत्ति जनाउँदै गणपूरक नभएको बताएका थिए ।
यसैबीच सभामुख देवराज घिमिरेले तीन मिनेट घण्टी बजाएर सांसदको गणना गरेका थिए । सत्ता पक्ष र प्रतिपक्षीबीच विवाद हुँदै आएको यस विधेयक पेश गर्न बेला गणपूरक नभएपछि सभामुखले भदौ १८ गतेसम्मको लागि बैठक स्थगित गरेका हुन् ।
