सन्दीप एसिया कप खेल्न पाकिस्तान जाने
काठमाडौं— नेपालका चर्चित क्रिकेटर सन्दीप लामिछाने एसिया कप खेल्न सोमबार पाकिस्तान जाने भएका छन् ।
उनीविरुद्ध लागेको बलात्कार आरोपको मुद्दाको पेशी सरेपछि पाकिस्तान जाने भएका हुन् ।
जिल्ला अदालत काठमाडौंमा विचारधीन रहेको उनीविरुद्धको मुद्दा आइतबार हेर्न भ्याइएन । उनको पेशी भदौ २१ गतेलाई सरेको छ ।
सन्दीपका वकिल सरोजकृष्ण घिमिरे भन्छन्,‘उहाँ (सन्दीप) भोलि बिहान नै पाकिस्तान जाने भन्ने कुरा भएको छ ।’
नेपालका अन्य खेलाडी भने भदौ ५ गते नै पाकिस्तान गइसकेको छ ।
प्रकाशित मिति: आइतबार, भदौ १०, २०८० १८:१७
थप समाचार
