काठमाडौं— नेपाल समाजवादी पार्टी (नेसपा)का अध्यक्ष बाबुराम भट्टराईले ललिता निवास जग्गा प्रकरणमा आफूले प्रहरीको केन्द्रीय अनुसन्धान ब्युरो (सीआईबी)लाई जवाफ दिएको बताएका छन् ।
पूर्व प्रधानमन्त्रीसमेत रहेका भट्टराईले तत्कालीन आफ्नो पालाको मन्त्रिपरिषद निर्णय सम्बन्धमा उठेका प्रश्नहरूको जवाफ दिएको जानकारी दिएका हुन् ।
‘ललिता निवास प्रकरणमा मेरो पालाको मन्त्रिपरिषदको निर्णय सम्बन्धमा उठेका प्रश्नहरूबारे सत्य तथ्यको जानकारी मेरो सुरूदेखिको सार्वजनिक प्रतिबद्धता बमोजिम सीआईबीलाई दिएर आफ्नो कर्तव्य निर्वाह गरेको छु,’ उनले भने ।
यस क्रममा अध्यक्ष भट्टराईले तलिता निवास जग्गाको मुद्दा चाँडै टुंगोमा पुग्ने कामना गर्दै देशका सबै प्रकारका भ्रष्टाचार अन्त्य भई सुशासन हुने आशा लिएका छन् ।
उनले भने, ‘यो मुद्दा सफल टुंगोमा पुगेर देशमा सबै तहका भ्रष्टाचार तथा अनियमितता अन्त्य गर्न र सुशासनको प्रत्याभूति गर्न गराउन एउटा दरो प्रस्थानबिन्दु बनोस् भन्ने कामना गर्दछु ।’
ललिता निवास प्रकरणमा मेरो पालाको मन्त्रीपरिषदको निर्णय सम्बन्धमा उठेका प्रश्नहरूवारे सत्यतथ्यको जानकारी मेरो शुरूदेखिको सार्वजनिक प्रतिबद्धता बमोजिम केन्द्रीय अनुसन्धान ब्यूरो ( सीआइबी ) लाई दिएर आफ्नो कर्तव्य निर्वाह गरेको छु! यो मुद्दा सफल टुंगोमा पुगेर देशमा सबै तहका सबै…
— Baburam Bhattarai (@brb1954) August 21, 2023
