राष्ट्रिय सभा बैठक एक सातासम्म स्थगित
काठमाडौं— बुधबार दिउँसो बस्ने गरी बोलाइएको राष्ट्रिय सभा बैठक आगामी भदौ ५ गतेसम्मका लागि स्थगित भएको छ ।
साउन ३१ गते दिउँसो १ः१ बजे बस्ने गरी तय भएको उक्त बैठक सत्तापक्ष र प्रतिपक्षबीच सदन खुलाउने सहमति नभएकाले स्थगित भएको संघीय संसद् सचिवालयका प्रवक्ता एकराम गिरीले जानकारी दिए ।
सचिवालयले सूचना टाँसेर राष्ट्रिय सभाको अर्को बैठक भदौ ५ गते मंगलबार दिउँसो १ः१ बजे बस्ने तय भएको जनाएको छ ।
सूचनामा तोकिएको मितिमा बैठक नराख्न सत्तापक्ष र प्रतिपक्ष दुवै दलले आग्रह गरेकाले बैठक सारिएको जनाइएको छ ।
प्रकाशित मिति: मंगलबार, साउन ३०, २०८० १५:४२
