काठमाडौं— सुन तस्करी प्रकरणमा मुछिएका सत्तारुढ नेकपा माओवादी केन्द्रका नेता कृष्णबहादुर महराबारे सत्ता गठबन्धन बैठकमा छलफल भएको छ ।

बैठकमा महराबारे कुरा उठेको र गृहमन्त्री नारायणकाजी श्रेष्ठले फोनलाई मात्रै आधार मानेर दोषी करार गर्न नसकिने बताएको सो बैठकमा सहभागी नेकपा एकीकृत समाजवादी पार्टीका उपाध्यक्ष राजेन्द्र पाण्डेले जानकारी दिए ।

गृहमन्त्री श्रेष्ठले महराबारे अनुसन्धान जारी रहेको कुरा बैठकमा राखेको पाण्डेले जनाए ।

उनले भने,‘सुन तस्करी प्रकरणमा पूर्वसभामुखको पनि नाम जोडियो । के हो ? भनेर कुरा राख्यौँ । जसमा गृहमन्त्रीले अनुसन्धानको क्रममा रहेको र फोनकै आधारमा दोषी हो भन्न नसकिने कुरा गर्नुभएको छ ।’