काठमाडौं— नेकपा एमाले सचेतक महेश बर्ताैलाले संसदको अवरोध एमालेले नभई सरकारले गर्न खोजेको दाबी गरेका छन् ।

सोमबार बसेको प्रतिनिधि सभाको बैठकपछि पत्रकारसँग कुरा गर्दै  सचेतक बर्तौलाले सरकार प्रतिपक्षीको मागमा अनुदार देखिएको आरोप लगाए ।

‘सरकारले यो संसद अवरोध गर्न चाहन्छ, संसदको भूमिकालाई निस्तेज पार्न चाहन्छ,’ उनले भने, ‘त्यस कारण प्रतिपक्षले संसदमा उठाएको मागलाई नजरअन्दाज र अन्देखा गर्ने, माग पूरा गर्दिन भनेर अनुचित अडान र जर्बजस्तीमा उभिएको छ ।’

सचेतक बर्तौलाले एमालेले संसद अवरोध नगरको दाबी गरे । उनले एमालेले उठाउको विषय जनताको हितमा भएको दाबी गरे ।

उनले सरकारले एमालेविरुद्ध नकारात्मक हौवा चलाएर जनतामा भ्रम छर्ने कार्य गरेको आरोप लगाए ।